Cofnodion - Y Pwyllgor Busnes

Lleoliad:

Tŷ Hywel

Dyddiad: Dydd Mawrth, 17 Mai 2022

Amser: 09.00 - 09.23

Preifat

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Lesley Griffiths AS Siân Gwenllian AS Darren Millar AS
Staff y Pwyllgor:	Graeme Francis (Clerc) Yan Thomas (Dirprwy Glerc)
Eraill yn bresennol	David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Siwan Davies, Cyfarwyddwr Busnes y Senedd Gwion Evans, Pennaeth Swyddfa Breifat y Llywydd Siân Wilkins, Pennaeth Gwasanaeth y Siambr a Phwyllgorau Julian Luke, Pennaeth Pwyllgorau Polisi a Deddfwriaeth, Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

Croesawodd y Llywydd yr Aelodau i’r cyfarfod. Anfonodd Jane Dodds ei hymddiheuriadau.

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Dywedodd y Llywydd wrth y Pwyllgor Busnes y bydd y Prif Weinidog yn ateb Cwestiynau i'r Prif Weinidog yn rhithwir, gan ei fod yn teithio ar fusnes swyddogol.

• Caiff y Cyfnod Pleidleisio ei gynnal fel yr eitem olaf o fusnes.
• Nid yw'r Cyfarfod Llawn yn debygol o fynd y tu hwnt i 5.45pm.

Dydd Mercher

• Caiff y Cyfnod Pleidleisio ei gynnal cyn y Ddadl Fer.
• Nid yw'r Cyfarfod Llawn yn debygol o fynd y tu hwnt i 7.10pm. 

Nododd y Pwyllgor Busnes mai dim ond 9 cwestiwn a gyflwynwyd i'r Gweinidog Newid Hinsawdd i’w hateb yr wythnos hon.

Cytunodd y Pwyllgor Busnes i gais gan aelodau’r Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol i newid trefn y dadleuon ddydd Mercher fel y gall Aelodau gyfrannu at ddadl Plaid Cymru ar Iechyd Menywod, cyn teithio i ogledd Cymru ar gyfer busnes pwyllgor. Byddai’r Pwyllgor Busnes yn dychwelyd at y drafodaeth ynghylch egwyddorion absenoldeb Aelodau o’r Cyfarfod Llawn er mwyn gallu bod yn bresennol ym musnes arall y Senedd mewn cyfarfod yn y dyfodol.

Dywedodd y Trefnydd ei bod wedi codi mater yn ymwneud â Gweinidogion yn bod yn bresennol yn y Siambr ar amser ar gyfer eu heitemau busnes yn y Cabinet.

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Tynnodd y Trefnydd sylw'r Pwyllgor Busnes at yr ychwanegiad a ganlyn:

Dydd Mawrth 24 Mai 2022

· Datganiad gan y Cwnsler Cyffredinol a Gweinidog y Cyfansoddiad: Cyfiawnder yng Nghymru (30 munud)

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunodd y Pwyllgor Busnes i gynnwys yr eitemau o fusnes a ganlyn ar yr amserlen:

Dydd Mercher 8 Mehefin 2022 -

· Dadl ar adroddiad y Pwyllgor Diben Arbennig ar Ddiwygio’r Senedd (120 munud)

· Dadl ar adroddiad y Pwyllgor Newid Hinsawdd, yr Amgylchedd a Seilwaith: Adroddiad ar orlifoedd stormydd yng Nghymru (30 munud)

· Dadl ar adroddiad y Pwyllgor Cydraddoldeb a Chyfiawnder Cymdeithasol: Craffu blynyddol ar waith Comisiynydd Cenedlaethau’r Dyfodol: Y wybodaeth ddiweddaraf (60 mun)

Dydd Mercher 15 Mehefin 2022 -

• Dadl ar adroddiad y Pwyllgor Newid Hinsawdd, yr Amgylchedd a Seilwaith: Adroddiad ar orlifoedd stormydd yng Nghymru (30 munud)

• Dadl ar adroddiad y Pwyllgor Cydraddoldeb a Chyfiawnder Cymdeithasol: Craffu blynyddol ar waith Comisiynydd Cenedlaethau’r Dyfodol: Y wybodaeth ddiweddaraf (60 mun)
• Amser a neilltuwyd i Blaid Cymru (60 munud)

</AI6>

<AI7>

4 Deddfwriaeth

</AI7>

<AI8>

4.1 Llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad

Trafododd y Pwyllgor Busnes y llythyr gan y Pwyllgor Deddfwriaeth, Cyfiawnder a’r Cyfansoddiad a’r pwyntiau a godwyd ynghylch y cyfleoedd ar gyfer Biliau Aelodau yn adroddiad diweddar y Pwyllgor ar Femorandwm Cydsyniad Deddfwriaethol Llywodraeth Cymru ar Fil Iaith Arwyddion Prydain. Cytunodd y Pwyllgor Busnes i drafod papur yn ymwneud â’r potensial ar gyfer adolygu proses ddethol Biliau Aelod.

</AI8>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>